خلك مع اللي .. تهتوي يا عشيري
وانا لي الله .. يوم عني تخليت
احاول السلوان وامره عسيري
الله تقدرني على ماتمنيت
مااظن مثلك عايش بْلا ضميري
مهما تناسيت المحبه وصديت
والله مصيبه يوم حبيت غيري
لكن ابصبر ولو بالصبر مااقديت
خايف عليك مْن الفلك يستديري
وتقاسي مثلي اللي اليوم قاسيت
ياما على شانك تجَرَح نظيري
ياما عليك بغفوة النوم ناديت
حالي مثل حال الحسير الكسيري
وا عزتالي كل ما أصبحت وامسيت
يمديك تفهم بس توك صغيري
يمديك تفهم ونتيّ لين ونيت
مااظن مثلك عايش بلا ضميري
يومي على شانك ركضت وتعنيت